MeraForum Community.No 1 Pakistani Forum Community

الجھن

بڑا دشوار ہوتا ہے

ذرا سا فیصلہ کرنا

کہ جیون کی کہانی کو

بیانِ بے زبانی کو

کہاں سے یاد رکھنا ہے

کہاں سے بھول جانا ہے

اسے کتنا بتانا ہے

اسے کتنا چھپانا ہے

کہاں رو رو کے ہنسنا ہے

کہاں ہنس ہنس کے رونا ہے

اس آنچل کے کسی کونے کو

کتنا سا بھگونا ہے

کہاں آواز دینی ہے

کہاں خاموش رہنا ہے

کسی دکھ کو کہاں پر

کونسی شدت سے سہنا ہے

کہاں رستہ بدلنا ہے

کہاں سے لوٹ آنا ہے

ذرا سا فیصلہ کرنا

بڑا دشوار ہوتا ہے

۔