MeraForum Community.No 1 Pakistani Forum Community

خالی پنجرے

ساگر سے صحرا بننے تک

جانے کیا کچھ

کھو جاتا ہے

مانجھی کشتی لے اڑتا ہے

پانی میلا

ہو جاتا ہے

تارے ٹوٹ کے گر جاتے ہیں

راتیں لمبی

ہو جاتی ہیں

چاند ٹھٹھر کر مر جاتا ہے

موسم تھک کر

سو جاتا ہے

لے اڑتی ہیں پھول ہوائیں

خوشبو

بے گھر

ہو جاتی ہے

پنچھی اپنی رہ لگتے ہیں

پنجرہ خالی رہ جاتا ہے

آنکھیں میری

خالی پنجرے

چھوڑیئے!ان میں کیا رکھا ہے

۔