MeraForum Community.No 1 Pakistani Forum Community - Kabhi Jo Mujh Ko Talaash Kerna...

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - Kabhi Jo Mujh Ko Talaash Kerna... (http://www.MeraForum.Com/showthread.php?t=61542)

Kabhi Jo Mujh Ko Talaash Kerna...

Kabhi jo mujh ko talaash kerna
Tou chand raaton ki chandni main
Gul-e-chaman say sawaal kerna
Udaas kiu ho?
Kiu oas-Qatron main apnay aanso
Chupaa rehay ho?
Haseen mausam main kis ki yadoon main
Apnay dil ko jala rehay ho?
Gul-e-chaman yeh sawaal sun ker
Tumhari aamad ka haal sun ker
Kehay ga tum jis ko khoojtay ho
Woh in baharoon ki sari khushboo
Churaa kay abb ek naye chaman main
Mehek raha hai...
Udaas ker kay yahaan pay hum ko
Kisi chaman main chehe'k raha hay
Gul-e-chaman ka yeh haal sun ker
Tumhain lagay ga main baywafa hoon
Udaas kalioon ko choor ker main
Nai baharoon ko dhoondta hoon..
Mager haqeeqat main is chaman kay
Tamaam phoolon ki khwahisho'n ka
Aur in ki nakkam kaavisho'n ka
Haseen mousam ki baarisho'n ka
Naa meray dil per aser hua tha!
Naa meray dil per aser hua hai!
Main aaj bhi ek naye chaman main
Puranay qissay suna reha hoon
Joo mere chaahat ka devtaa tha
Main aaj bhi us ko poojta hoon
Yaqeen nahi tou palat kay dekho
Waheen khara tha!
waheen khara hoon!