-:||:- Kabhi Zindagi Ka Khiraaj To Kabhi Siskiyaan Meray Saamnay -:||:-


Sar-e-rasm-e-daar rakhi gaeen kai talkhiyaan meray saamnay
Kabhi zindagi ka khiraaj to kabhi siskiyaan meray saamnay

Kaheen dam-ba-dam theen mohabbatein kaheen aitaybaar-e-wafa na tha
Kaheen jaan-kani k nuzool pay khuleen mutthiyaan meray saamnay

Jisay khoob-ter ki talaash thi jo nigaah-e-aaina saaz tha
Wohi khud samait k rakh gaya sab hi kirchiyaan meray saamnay

Ye bhi ik ajeeb tha haadsa teray zabt-e-ghum k rajaal per
Meri aankh say hi chalak paray teray terjumaan meray saamnay

Kabhi ouj-e-naql-e-jamaal say sar-e-farsh gunj-e-safer mein aa
Kabhi paish koh-e-giraan to ker sar-e-imtayhaan meray saamnay

Jo kaha k …..-e-jaan fazaa pas-e-merg yaad karo gay kya
To shikasta haal mazaar ki perheen taktiyaan meray saamnay.