Jo bhi bura bhala hay Allah Jaanta Hay...
Banday k dil may kya hay, Allah Jaanta Hay...


Yeh farsh-o-arsh kya hay, Allah Jaanta Hay...
Pardo'n may kya chhupa hay, Allah Jaanta Hay...


Jaa ker jahaa'n say koi, waapas nahee'n hay aata...
Woh kaunsi jagah hay, Allah Jaanta Hay...


Naiki-badi ko apni, kitna hee tu chhupaaey...
Allah ko sab pata hay, Allah Jaanta Hay...


Yeh dhoop-chhaao'n daikho, yeh subh-o-shaam daikho...
Sab kyu'n yeh ho raha hay, Allah Jaanta Hay...


Qismat k naam ko to, sab jaantay hai'n laikin...
Qismat may kya likkha hay, Allah Jaanta Hay !!