Kisi aur gham mein itni khalishein nihaan nahin hai,
gham e dil mere rafeeqo, gham e raayegaan nahin hai
Kisi aankh ko sadaa do, kisi zulf ko pukaro,
badi dhoop pad rahi hai, koi saaybaan nahin hai
Mere rooh ki haqeeqat meri aansuon se poocho,
mera majlisi tabassum mera tarjumaan nahin hai
Koi humnafas nahin hai, koi raazdaan nahin hai,
faqat ek dil tha ab tak, so wo meherbaan nahin hai
Inhi pattharon pe chalkar agar aa sako to aao,
mere ghar ke raaste mein koi kehkashaan nahin hai
Inhi pattharon pe chalkar agar aa sako to aao,
mere ghar ke raaste mein koi kehkashaan nahin hai