MeraForum Community.No 1 Pakistani Forum Community - sarakatii jaaye hai ruKh se naqaab aahistaa-aahistaa

MeraForum Community.No 1 Pakistani Forum Community (http://www.MeraForum.Com/index.php)

- Great Urdu Poets&Poetry (http://www.MeraForum.Com/forumdisplay.php?f=76)

- - sarakatii jaaye hai ruKh se naqaab aahistaa-aahistaa (http://www.MeraForum.Com/showthread.php?t=58044)

sarakatii jaaye hai ruKh se naqaab aahistaa-aahistaa

sarakatii jaaye hai ruKh se naqaab aahistaa-aahistaa
nikalataa aa rahaa hai aaftaab aahistaa-aahistaa

javaa.N hone lage jab vo to ham se kar liyaa pardaa
hayaa yak_laKht aa_ii aur shabaab aahistaa-aahistaa

shab-e-furkat kaa jaagaa huu.N farishto.n ab to sone do
kabhii fursat me.n kar lenaa hisaab aahistaa-aahistaa

savaal-e-vasl par un ko uduu kaa Khauf hai itanaa
dabe ho.nTho.n se dete hai.n javaab aahistaa aahistaa

hamaare aur tumhaare pyar me.n bas farq hai itanaa
idhar to jaldii jaldii hai udhar aahistaa aahistaa

vo bedardii se sar kaaTe 'Ameer' aur mai.n kahuu.N un se
huzuur aahistaa-aahistaa janaab aahistaa-aahistaa

Re: sarakatii jaaye hai ruKh se naqaab aahistaa-aahistaa