MeraForum Community.No 1 Pakistani Forum Community - Gaey Mosam mein jo khiltay thay Gulaabon kee terhaa

MeraForum Community.No 1 Pakistani Forum Community (http://www.MeraForum.Com/index.php)

- Ghamgheen/Sad shayari (http://www.MeraForum.Com/forumdisplay.php?f=124)

- - Gaey Mosam mein jo khiltay thay Gulaabon kee terhaa (http://www.MeraForum.Com/showthread.php?t=56895)

Gaey Mosam mein jo khiltay thay Gulaabon kee terhaa

Gaey Mosam mein jo khiltay thay Gulaabon kee terhaa,

Dil mein utrain gay wohee Azaabon kee terhaa.

Raakh kay dhair pay ab raat baser kernee hay,

Jal chukay hain meray khaimay,Meray khowabon kee terhaa.

Saa'at-e-Deed kay Aa'riz hain Gulaab ab tak,

Awaleen lamhon kay gulnaar Hijaabon kee terhaa.

Wo samander hay to phir Rooh ko seraab keray,

Tishnagi mujhay kion daita hay Sarabon kee terhaa.

Ghair Mumkin hay teray ghar kay gulabon ka shumaar,

Mery Rastay huay Zakhmon kay Hisaabon kee terhaa.

Yaad to hon gee wo batain tujhay ab bee laikin,

Shelf mein rakhee hoee band Kitabon kee terhaa.

Kon jaanay too naey saal mein kis ko perhay,

teraa me'aar badaltaa hay nisaboon kee terhaa.

Shokh ho jaatee hay ab bee teree aankhon kee chamak,

Gahay gahay teray dilchasp jawabon kee terhaa.

Hijer kee shab,Meri tanhaee pe dastak day gee,

Teri Khushboo, Meray khowey huay Khowabon kee terhaa.

Re: Gaey Mosam mein jo khiltay thay Gulaabon kee terhaa

hmmm..... nice :flower4u:

Re: Gaey Mosam mein jo khiltay thay Gulaabon kee terhaa

Quote:

Raakh kay dhair pay ab raat baser kernee hay,

Jal chukay hain meray khaimay,Meray khowabon kee terhaa.

Wonderful poetry!