MeraForum Community.No 1 Pakistani Forum Community - sitam mai kaun kare ga muqabla uska

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - sitam mai kaun kare ga muqabla uska (http://www.MeraForum.Com/showthread.php?t=54282)

sitam mai kaun kare ga muqabla uska

sitam mai kaun kare ga muqabla uska
ke zakhm bharta nahee hai dia huwa uska

usool par wo muhabbat ko waar baithha tha
alag tha sarey jahan se muamla uska

mujhey hai moja e toofan ka darr usey kyun ho
safina uska, bhanwar uska, Na Khuda uska

andheri shab jisey sotey mai chorh aaya tha
mai din charhe karoo kis tarha samna uska

wo rubaroo merey anjaan ban gaya kaisa
mai dekh dekh k haira'n hoon, hausla uska

jo tujh pe apni wafain luta gaya chup chap
kabhi khayal bhi aaya, ai be wafa uska

"ye raah chhorh chuka hoo'n" wo jhoot kehta tha
abhi bhi raah pe taaza hai naqsh e paa uska

Re: sitam mai kaun kare ga muqabla uska