MeraForum Community.No 1 Pakistani Forum Community - ..!!..Ay Shaam Usay Batana..!!..

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - ..!!..Ay Shaam Usay Batana..!!.. (http://www.MeraForum.Com/showthread.php?t=53684)

..!!..Ay Shaam Usay Batana..!!..

*********************

Ay Shaam Ussy Batana
Serab Us Ki Justaju Ke
Nisaab Us Ki Arzoo Ke
Chahaar Soo Bikhray Huway Hain
Kasak Ruton Ki Dastanain
Har Lafz Main Band Hain
Meri Ankhain Saaye Ki Maanind Chup Hain
Magar In Main Basa Intezaar
Ab Bhi Zinda Hai
Ay Shaam Usay Batana
Usay Apnay Ander Zinda Rakhtay Rakhtay
Meray Saray Jazbay Jhulas Gaye Hain
Paas-E-Wafa K Bharam Main
Mera Sukoon Jal Chuka Hai
Meri Ankhon Main Bes
Raakh Hi Raakh Hai
Jin Main Har Lamha
Us Ki Mohabbat Ki Chingari
Bharakti Rehti Hai
Ay Shaam Usay Batana
Pehlay Bhi Paniyon Main Rehtay Thay
Ab Bhi Samander Main Ghar Banaya Hai
Doobtay Sooraj Ki Zard Roshni Say
Khud Ko Izteraab K Singhaar Say Sajaya Hai
Dhalti Shaam Say Lay Kar
Dhalti Shaam Tak
Lahoo Nay Usi Ka Riaz Kiya Hai
Jis Say
Meri Khalwatain, Meri Jalwatain
Har Gharri Abad Hain
Ay Shaam Us Say Poochna
Kya Meri Sari Ratain
Firaq Ki Rut Main Basar Hon Gee?
Aur Mujhe Batana Ke
Main Khud Ko Kaisay Samjhaoon
Ke Adhoori Khuwahish
Honton Ko Khushk
Aur Ankhon Ko Num Rakhti Hai
Ay Shaam Usay Batana
Ke Is Barbaad, Geelay Nagar Main
Main Hi Nahi
Wo Bhi Rehta Hai
Us Say Kehna
Ke Meray Ander Wo Is Tarah Hai
Jis Tarah Isha Main Witr
Meray Sath Sath Bhi
Mujh Say Juda Bhi
Ay Shaam Usay Batana

*********************