Raat Kay Sannatay Main Hum Nay Kia Kia Dhokay Khaye Hain
Apna Hi Jab DIL Dharka Tu Hum Samjhay Wo Aaye Hain

Band Jharokay, Sooni Galiyan, Ya Phir Ghum Kay Saaye Hain
Chaand Sitaray Niklay Lakin Meray Liye Kia Laaye Hain

Jis Din Say Tum Bichar Gaye Ye Haal Hay Apni Aankhon Ka
Jesay Do Baadal Saawan Kay Aapas Main Takraye Hain

Ab Tu Rah Na Bholon Gaye Tum Ab Tu Hum Say Aan Milo
Dekho, Hum Nay Palak Palak Per So So Deep Jalaye Hain

Haye Qateel, Is Tanhaii Main Kia Sojhi Hay Mousam Ko
Jis Din Wo Pass Nahi, Us Din Say Baadal Chaye Hain