MeraForum Community.No 1 Pakistani Forum Community

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - ~*Kahan Kho Gyi Meri Zindgi*~ (http://www.MeraForum.Com/showthread.php?t=53319)

~*Kahan Kho Gyi Meri Zindgi*~

~*Kahan Kho Gyi Meri Zindgi*~
Kahaan Kho Gai Meri Zindagi Na Koi Pata Na Koi Khabar
Bhala Kya Milla Humein Ishq Say To Bhi Dar-Badar Main Bhi Dar-Badar

Wo Khizaan K Aaney Say Paish-Tar Jahaan Baat Kartey They Baith Kar
Usi Amar-Bail Ki Cha`aoo Mein Koi Raah Takta Hai Raat Bhar

Abi Din Charha Hai Zara Zara Ae Sawaad-E-Shab Abhi Thehar Ja
Abi Kehna Chaha Tha Haal-E-Dil Tu Bhi Chal Diya Mujhey Chor Kar

Na He Dil Main Hai Teri Chahtein Na Shikaayatein Na Adaawatein
To Kya Yeh Aankhein Chalak Parrein Kabhi Ho Geya Jo Tera Ziker

Kahaan Dhoondtey Ho Mera Pata Main Wo Phool Ho Jo Bikhar Chuka
Millein Ujrey Ujrey Say Baam-O-Dar To Yeh Sochna K Hai Mera Ghar

Tujhey Kho K Aankhein Baha`ey Khoon Tujhey Pa K Bhi Na Milley Sukoon
Meri Chahatien Bhi Ajab Rahein Merey Silsiley Bhi Ajeeb Tar

Main Kahoon Kissi Say To Kya Kahoon Hua Mujh Pay Taari Ajab Fasoon
K Sakoot-E-Shab Meri Zindagi K Gham-O-Alam Merey Humsafar

Jahaan Tum They Mujh Sey Khafa Howe Jahaan Apney Rastey Juda Howe
Main Milloun Ga Tum Ko Wohein Kahein Usi Raah Mein Usi Mor Par

Tujhey Kya Kahoon Merey Hum-Nawa K Bura Hua Ya Bhala Hua
Kabhi Zindgi Jo Milli Mujhey To Rahi Na Baqi Meri Umar....