MeraForum Community.No 1 Pakistani Forum Community - اکھیاں نے جھڑیاں لایاں

اکھیاں نے جھڑیاں لایاں

اج یاداں تیریاں آئیاں نے

وطناں نوں آجا ڈھولنا

دن رات چلی ہو کے تیری راہ تکاں میں

جی وی نہ سکاں چناں مر وی سکاں میں

توں جدوں یاد آویں رواں کرلاواں میں

توں کتھے وسناں اے کیویں کول آواں میں

دکھ درداں پینگاں پائیاں اج یاداں تیریاں آئیاں نے

وطناں تو آجا ڈھولنا۔

دو بول پیار والے تیرے نال بول کے

بیٹھی آں گزار ساری زندگی نوں رول کے

میرے پرچھاویں کولوں لوکی دور نسدے

گلیاں دے ککھ میرے حال اتے ہسدے

تقدیر نے شاماں پائیاں اج یاداں تیریاں آئیاں نے

وطنان نوں آجا ڈھولنا۔

آساں تے امیداں والے پھل سک گئے نے

آجا میری زندگی دے ساہ مک گئے نے

دس دے علاج کوئی پیار والے دکھ دا

سجنا وچھوڑے والا پینڈا نئیں او مکدا

ہن چھڈ دے بے پروائیاں اج یاداں تیریاں آئیاں نے

وطناں نوں آجا ڈھولنا۔وطناں نوں آجا ڈھولنا
__________________