"Aaps main baat cheet ki zehmat kiye baghair"


Aaps main baat cheet ki zehmat kiye baghair
bus chal rhy hain sath shikayat kiye baghair
aankhon say kr rhy hain beyan apni kaifyat
honton say hal-e-dil ki wazahat kiye baghair
dono ko apni apni aanaen aziz hain
lakin kisi ko nazar-e- malamat kiye baghair
tehra hai waqt marasim k darmiyan
paida khaleej main koi wousat kiye baghair
hairaan hain k itnay baras kaisay kat gaey
rasmi sa koi ahd-e- rafaqat kiye baghair
wo ja nhi chuka hai magar is k bawajood
tanha kharay hain hum ussay rukhsat kiye baghair
chara garoon say dono ko parta hai wasta
lakin kisi k haq main khayanat kiye baghair
hairaan hain k itnay baras kaisay kat gaey
rasmi sa koi ahd-e- rafaqat kiye baghair..!!!!