-:||:- Aakhir Ummeed K Bhi Diye Sab Bujha Diye -:||:-

Aakhir ummeed k bhi diye sab bujha diye
Kya kya sitam-nawaaz nay ghum jaan pay dha diye

Saamaan kya mila hai bata is makaan say
Kuch khuwaab, zard phool, kitaab-e-wafa, diye ?

Meri zara si bhool ko lagrzish bana diya
Yun mera ghar jala k tujhay kya mila diye ?

Asbaab kya liya hai andhayron k waastay
Main nay sawaal poocha to us nay kaha “diye“

Mujh ko bujha gai theen zamaanay ki aandhiyaan
Tujh per hawa ka haath tha, tu kiun bujha diye ?

Shaam-e-wisaal aai to mehakti hawaaon nay
Shaakhon say phool lay k zameen per bicha diye

Tu bhi aseer-e-ishq hai itni si baat ko
Tu nay quboolnay mein zamaanay laga diye

Ghabra gaya tha dekh k apni nigaarishein
Main nay kitaab-e-zeest k purzay uraa diye.

Asbaab kya liya hai andhayron k waastay
Main nay sawaal poocha to us nay kaha “diye“