Na-jaanay kis terhan khud ko sambhaal rakha hai
Teray sulook nay hayrat mein daal rakha hai

Elaaj-e-teerah-shabi hai k yaar logon nay
Tumhaara naam hawaa mein uchaal rakha hai

Abhi say aakhri manzil pay kiun nazer hai .....
Ye feburary hai abhi poora saal rakha hai

Kisi k aaina-e-zehan ko jilaa bakhshi
Kisi k dast-e-huner mein kamaal rakha hai

Qadam qadam pay jahaan imtayhaan tha mera
Wahaan bhi main nay wafa ka khayaal rakha hai

Wo zakhm jo teray ehsaas ki amaanat hai
Wo zakhm bhi teri khaatir sambhaal rakha hai.