Hal apnay ager shola-bayaani say nikaltay
Hum aag ugaltay huway paani say nikaltay

Suchay thay ager khuwaab to aankhon mein chamaktay
Kirdaar thay zinda to kahaani say nikaltay

Paani say badal dayta main sehra ka muqadder
Deriya jo meri tishna-day-haani say nikaltay

A kaash ! teray lums k khushboo bharay jhonkay
Aangan mein lagi raat ki raani say nikaltay

Hota un hi lafzon say teray lab pay chiraaghaan
Jo lafz meray misraa-e-saani say nikaltay.