Mohabbat kar to lein laikin
Wafa hay shart chaahat ki
Zara mujh ko bata jana
Kay is daur-e-khud'gharzi mein
Wafa ab kaun karta hay?
Wafa kaanton ka rasta hay
To kaanton pay chalay ga kaun?
Wafa hay khail aatish ka
To aatish mein jalay ga kaun?
Wafa hay maut ka sauda
Yahaan baichay ga saansein kaun?
Wafa hay rat'jaga mausam
Yahaan jaagay ga raatein kaun?
Wafa khud ko mitaana hay
Yahaan khud ko mitaaye kaun?
Wafa sub kuch lutaana hay
Yahaan khud ko lutaaye kaun?