Ik aainay k saamnay rakha chiraagh ko
Main chaahta tha chehra dikhaana chiraagh ko

Kal shab udaas roshni itni buri lagi
Main nay uthaa k phaink diya tha chiraagh ko

Tunhaai k saraaye mein rungon ka raqs hai
Kis nay duroon-e-qalb jalaaya chiraagh ko

Khud-sozi kerta dekh na paaya, bujha diya
Main nay hawa ki aankh say dekha chiraagh ko

Dekha hai aadhi raat ko dam tortay huway
Zulmat k ik hujoom mein Tunha chiraagh ko

Hum-raaz-e-teergi wo hi hum-raaz-roshni
Jis nay tamaam zindagi perkha chiraagh ko

Taara giraa hai toot ker ..... zameen per
Yaa meri simt chaand nay phainkaa chiraagh ko.