MeraForum Community.No 1 Pakistani Forum Community

Agar Tumhein Ho QaboOl Jaana
Falak k Tabinda Chand Taare
Yeh WadiOn k Gulab Sare
Vo Kakul-e-Shab Ki Hashr Sazi
Vo Aarz-e-Subh k Sab Nazare
Vo Chashm-e-Sahir k Sahir Pyare
Agar KahO To Bana Dein Taare
Tumhare QadmOn Ki DhoOl Jaana
Agar Tumhein Ho QaboOl Jaana

Agar Tumhein Ho QaboOl Jaana
Tumhari AankhOn ko Jaam Likhein
Tumhein Nazar Se Salam Likhein
Aur Apne Dil k Haseen Waraq Par
Faqat Tumhara Hi Naam Likhein
Jahan Ki Har Aik Naghmagi Ko
Tumhara Tarz-e-Kalaam Likhein
Agar Ijazat Ho Hum b Kar Lein
Yeh Pyar Ki Aik BhOl Jaana
Agar Tumhein Ho QaboOl Jaana

Agar Tumhein Ho QaboOl Jaana
To Ankh Mein ThehrO Ghar Ki Surat
RahO Nazar Mein Nazar Ki Surat
Hamare Dil Ki Sadaf Mein AaO
Wafa k Sachey Ghar Ki Surat
Hamari TareekiOn Ki Shab Mein Jaana
ChalO Jo Najm-e-Sehar Ki Surat
Tumhari Chahat Ki Nazr Kar Dein
Yeh AarzOun k PhOl Jaana
Agar Tumhein Ho QaboOl Jaana...!!!