Raat bhar mujh ko jalati hai mohabbat us ki
Shidat-e-gham se rulati hai mohabbat us ki
Teshnagi khatam huway aik zamana guzra
Ab meri pyas bujhati hai mohabbat us ki
Ab maray dil ko khizaoon ka koi khauf nahi
Har taraf phool khilati hai mohabbat us ki
Jab kabhi toot k roota hoon shub-e-hijraan main
Meri annkhoon ko sajati hai mohabbat us ki
Wo kisi toor bhi hota nahin sochon se juda
Us ko bhooloon tu bulati hai mohabbat us ki
Besabab naaz nahin apne muqadar pe mujhe
Nit naye zakhm lagati hai mohabbat us ki
Warna har sakhs maray haal se waqif hota
Mera har bhaid chupati hai mohabbat us ki
Paon tikte hi nahin maray zameen par wasiq
Ab fizaoon main urati hai mohabbat us ki