MeraForum Community.No 1 Pakistani Forum Community

Bandh Lain Hath Pe Seenay Pe Saja Lein Tum Ko
Jee Main Ataa Hai Ke Taweez Bana Lain Tum Ko

Phir Tumhe Roz Sanwarein Tumhe Bharta Dekhin
Kiun Na Angan Main Chanbaili sa Lagga Lein Tum Ko

Jaise Baaloon Main Koi Phool Chunna Karta hai
Ghar Ke Guldaan Main Phooloon Sa Saja Lein Tum Ko

Kya Ajab Khwahish Othti Hai Humare Dil Main
Kar Ke Munna Sa Hawaoon Main Ochalain Tum Ko

Is Kader Toot Ke Tum Pe Humein Pyar Ata Hai
Apnii Bahoon Main Bharein Maar He Daalein Tum Ko

Kabhee Kwaaboon Ki Tarah Ankh Ke Parday Main Raho
Kabhee Khwahish Ki Tarah Dil Main Bulain Tum Ko

Hai Tumhare Liye Kuch Aesii Akeedat Dil Main
Apne Hathoon Main Duaoon Sa Uthaa Lein Tum Ko
j
Aan Denay Kii Ijazat Bhe Nahi Detay Ho
Warna Mar Jayin Abhee Mar Ke mana Lein Tum Ko

Jis Tarah Raat Ke Seenay Main Hai Mehtaab Ka Nuur
Apne Tareek Makanoon Main Saja Lein Tum Ko

Ab Toh Bas Ek He Khwahish Hai Kisi Morr Per Tum
Hum Ko Behkeray Hue Mil Jao Sanbhalein Tum Ko

************* TashiRao **************