Shab-e-hijraan ki aziyat ki khabar kis ko hai
Meri gumnaam muhabbat ki khabar kis ko hai

Kis ko ehsaas mery shiddat-e-jazbaat ka hai
Meri halat meri wehshat ki khabar kis ko hai

Kon veeran makaanoon ki khabar rakhta hai
Meri ujrhi howi qismat ki khabar kis ko hai

Mein nay chup chap muhabbat k sitam jhely hain
Meri es darja sharaafat ki khabar kis ko hai

Kon aaye ga aey dil ab tujh ko tasali deny
Teri udaas tabiyat ki khabar kis ko hai...!!!