zulm ki yeh andhiyan
chalen gi kub talak yahan
bahen gi kub talak bata
meri arz e pak pe
khoon ki yeh nadiyan
katal hon ge kub talak
mere watan men be gunah
mere chaman men aey khuda
rahe gi kub talak khizan
kum nahin tha kia yahan
sel e aab ka saman
aur os pe yeh situm bhi hen
aag o khoon charon aor
har taraf dhowan dhowan
gali gali nagar nagar
aek jesi dastan
kub talak naseeb men
hen hamare pastiyan
q too sun nahin raha
siskiyan yeh hichkiyan
gunjti hai ku ba ku
ek sada e al’aman
kis kadar sukun se
so rahe hen hukumran
is se pahle gung ho
hamari bolti zaban
aey khuda e bahr o bar
tujh pe kia nahin ayan
aey khuda e khushk o tar
tujh se kuch nahin nihan
han bohut kawi hai too
aur hum ne na tawan
ab hamari sun sada
khatam kar yeh imtihan
khatam kar yeh imtihan