ab kaha men udas rehti hun
ab to har dard ko matanat se
apne ander otar leti hun
apni zebai kay qareene se
nit naey zawiyon se sajti hun
har naey din tumhare chahre ko
kitni waraftagi se takti hun
her nae shab tumhare lams kay sath
kis qadar sadgi se jachti hun
aur her kefiyat ki shidat par
sirf ahistigi se hansti hun
tum bhi ab khush gawar rehte ho
men bhi kab pehle jesi larki hun
aesa lagta hai jese ab shayad
apne dil men tumhari marzi ki
koi gurya bana kay rakh di ho