zahir kisi soorat kahin nam na karna

hain log bohat khaas hamein aam na karna

janey ki ijazat to diye detey hain lekin

rastey mei kahin atey hue shaam na karna

kuch roz se yeh haal bana rakha hai furqat mei tumhari

be-kaar perhey rehan koi kaam na karna

hum bhi na dikhayein sar-e-raah gareiban

tum bhi mere waadon ko sar-e-aam na karna

is shart pe hai tark-e-taaluq ki ijazat

badnaam zamaney mei mera naam na karna

yaado ka nasha hosh urha deta hai aqeel

saqi se kaho samney ab jam na karna