Mahak main saray haroof dho kar.
kalaam ko bhi ijz main
dabo kar,

Sana-e-Rabb-e-Jaleel likhoon.
taveel tar se taveel
likhoon.
jamal likhoon
jameel likhoon.

Usi ko uss ki daleel likhoon.
kahan nahi tha,
kahan nahi hai.
mujhay bata woh
jahan nahi hai.

Azal se hai
ta abad rahay ga.
woh aap apni sanad rahay ga.

Wohi to hai Lashareek-o-yakta.
woh sab ka Khaliq
woh sab ka aaqa..

Raheem-o-Rehman Sifaat Uski,
Barri kareem hai zaat uski,.......