jo hum kahte hen yeh bhi q nahi kahta yeh kafir hai
hamare zulm yeh has kar nahi sahta yeh kafir hai

yeh insan ko mazahib se parakhne ka mokhalif hai
yeh nafrat kay qabilon men nahi rahta yeh kafir hai

ise sangsar kar do jazba e iman nahi is men
kabhi kafir ko bhi kafir nahi kahta yeh kafir hai

sitaron par kamaden dalne ka azam rakhta hai
paharon aur gharon men nahi rahta yeh kafir hai

yeh badal aek raste par nahi chalte yeh baghi hen
yeh darya is taraf ko q nahi bahta yeh kafir hai

hen mushrik yeh hawaen roz yeh qibla badalti hen
ghana jangal inhen kuch bhi nahi kahta yeh kafir hai