Jise Bhi Chahte Hain Hum Wohi Milta Nahi Hum Ko
Bichhar Jata Hai Kab Hum Se Pata Chalta Nahi Hum Ko

Dua Jo Moat Ki Mangain To Sansain Aur Barhti Hain
Naa Jane Kyun Khuda Taala Bhi Sunta Nahi Hum Ko

Ajab Tark - e – Taaluq Duniya Walon Ne Kiya Hum Se
Batain Kia Koi Dushman Bhi Ab Sunta Nahi Hum Ko

Hazaron Log Milte Hain Hazaron Sath Chalte Hain
Magar Uss Aik Chehre Sa Koi Lagta Nahi Hum Ko

Khare Hain Raste Main Hum Uthaye Dastan – e – Gham
Guzar Jatay Hain Sab Saim Koi Parhta Nahi Hum Ko

Jise Bhi Chahte Hain Hum Wohi Milta Nahi Hum Ko
Bichhar Jata Hai Kab Hum Se Pata Chalta Nahi Hum Ko