MeraForum Community.No 1 Pakistani Forum Community - !: Dil-e-Khaber Zara Husla Rakh :!By ADoO

http://i331.photobucket.com/albums/l...rs/fxvspj1.gif
دلِ بے خبر ذرا حوصلہ

کوئی ایساگھر بھی ہے شہر میں جہاں ہر مکیں ہو مطمئن
کوئی ایسا دن بھی کہیں پہ ہے جسے خوفِ آمدِ شب نہیں
یہ جو گرد بادِ زماں ہے یہ ازل سے ہے کوئی اب نہیں
دلِ بے خبر ذرا حوصلہ

یہ جو خار ہیں تیرے پاؤں میں یہ جو زخم ہیں تیرے ہاتھ میں
یہ جو خواب پھرتے ہیں در بدریہ جو بات الجھی ہے بات میں
یہ جو لوگ بیٹھے ہیں جابجاکسی ان بنے سے دیار میں
سبھی ایک جیسے ہیں سر گراں غمِ زندگی کے فشار میں
یہ سراب یونہی سدا سے ہیں اسی ریگزارِحیات میں
یہ جو رات ہے تیرے چار سونہیں صرف تیری ہی گھات میں
دلِ بے خبر ذرا حوصلہ

تیرے سامنے وہ کتاب ہےجو بکھر گئی ہے ورق ورق
ہمیں اپنے حصے کے وقت میں اسے جوڑنا ہے سبق سبق
ہیں عبارتیں ذرا مختلف مگر ایک اصل سوال ہے
جو سمجھ سکو تو یہ زندگی کسی ہفت خواں کی مثال ہے
دلِ بے خبر ذرا حوصلہ

نہیں مستقل کوئی مرحلہ کیا عجب کہ کل کو یقیں بنے
یہ جو مضطرب سا خیال ہےکسی روشنی میں ہو منقلب
کسی سر خوشی کا نقیب ہویہ جو شب نما سی ہے بے دلی
یہ جو زرد رو سا ملال ہےدلِ بےخبر ذرا حوصلہ
دلِ بے خبر ذرا حوصلہ
http://i331.photobucket.com/albums/l...rs/fxvspj1.gif