MeraForum Community.No 1 Pakistani Forum Community

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - >>dhuup samandar chehraa hai<< (http://www.MeraForum.Com/showthread.php?t=40686)

FarazAli

06-14-2010 01:38 PM

>>dhuup samandar chehraa hai<<

dhuup samandar chehraa hai
manzar kitnaa gahraa hai

dekh chale ham saaraa shah’r
acchaa Khaasaa sehraa hai

merii aaNkhoN se dekho
vo chehraa hii chehraa hai

gandum sab zahriile haiN
zaahir khet sun-haraa hai

rone par hii qaid nahiiN
haNsne par bhii pahraa hai

apnii bayaaz-e-hastii meN
har misraa be-bahraa hai

dariyaa dariyaa chhaan chuke
saahil sab se gahraa hai

donoN dost haiN barsoN se
maiN guuNgaa, vo bahraa hai

Zafina

06-14-2010 02:11 PM