Wo bujha bujha sa chiraagh tha
ye kabhi kisi ko khabar na ho,
Use le gai hai kahan hawa
ye kabhi kisi ko khabar na ho,
Kaii log jaan se jaen ge
mere qaatilou'n ki talash mein,
Mere qatal mein mera haath tha
ye kabhi kisi ko khabar na ho,
Wo tamam duniya k waaste
jo mohabbatou'n ki misaal tha,
wohi apne ghar mein tha bewafa
ye kabhi kisi ko khabar na ho,
Wo samajh k mujhko ajnabi
yun dikha rahe hain gali gali,
Isi sheher mein mera ghar bhi tha
ye kabhi kisi ko khabar na ho...!