MeraForum Community.No 1 Pakistani Forum Community - چٹنی بھرے شامی کباب

چٹنی بھرے شامی کباب

اجزاء:
قیمہ آدھ کلو
چنے کی دال آدھ پاؤ
آلو ڈیڑھ پاؤ
سیاہ مرچ آدھ چھٹانک
لونگ آدھ چھٹانک
انار دانہ آدھ چھٹانک
دھنیا ایک گٹھی
سبز پو دینہ ایک گٹھی
کچا آم ایک عدد
سبز مرچ حسب ذائقہ
سرخ مرچ حسب ذائقہ
پیاز آدھ پاؤ
لہسن 8جوئے
انڈے تین عدد
ادرک آدھ چھٹانک
گھی حسب ضرورت
ترکیب:
کباب کی تیاری سے ایک گھنٹہ قبل چنے کی دال بھگو کر رکھ دیں۔ پھر دال اور قیمہ دھو کر ایک دیگچی میں ڈال دیں اور اس قدر پانی ڈالیں کہ دال اور قیمہ اس میں ڈوب جائیں۔ اس میں نمک، ذراسی مرچ اور لہسن ڈال دیں۔ جب دال گل جائے تو پانی خشک کر کے اتار دیں اور اسے پیس لیں۔ انار دانہ صاف کر کے دھو لیں۔ ایک پیاز کاٹیں اور دونوں چیزوں میں دھنیا، پو دینہ، ہری اور سرخ مرچ، نمک آم ڈال کر چٹنی بنا لیں۔ پسے ہوئے قیمے میں تمام مصالحے ڈال دیں۔ یہ سب پیس کر شامی کباب کے ٹکیاں بنائیں۔ ہر کباب میں ایک چھوٹی سی ٹکیہ بنا کر رکھی جائے۔ پھر ٹکیہ کے کنارے اندر کو موڑ دیں اور انڈے پھینٹ لیں اور کباب انڈوں کے اندر بھگو کر فرائی پین میں ڈال دیں ۔ سرخ ہونے پر نکال لیں۔
__________________