MeraForum Community.No 1 Pakistani Forum Community - اسلام میں خواتین کا بال کٹوانا جائز ہے یا ن

شریعت میں خواتین کا بال کٹوانا حرام نہیں ہے۔ اس کی سب سے نمایاں مثال حج کے دنوں میں خواتین کا بال کٹوانا ہے۔ البتہ اس معاملے میں دو باتیں پیش نظر رہنی چاہیں۔ ایک یہ کہ دین نے اس بات کو ناپسند کیا ہے کہ مرد و عورت اپنے حسن و جمال کی نمایش کرتے پھریں۔ اس کی وجہ یہ ہے کہ دین کا اصل مقصد تزکیہ ہے۔ اس لیے اس کا اصرار ہے کہ انسان اپنے آپ کو برائیوں اور آلایشوں سے پاک رکھنے کی ہر ممکن کوشش کرے۔ حسن و جمال کی نمایش سے چونکہ تزکیہ کا اصل مقصد مجروح ہوتا ہے اس لیے دین نے ایسا کرنے سے منع کیا ہے۔

دوسرا یہ کہ اللہ تعالی نے مرد و عورت کی ساخت میں فرق رکھا ہے اور یہ سخت ناپسند کیا ہے کہ مرد و عورت ایک دوسرے کی مشابہت اختیار کرتے ہوئے اپنی اس اصل ساخت کو بدلنے کی کوشش کريں۔ ان دونوں باتوں کی غیر موجودگی میں، عورتوں کے بال کٹوانے میں کوئی حرج نہیں ہے۔

،،،،،،،،،،،،،،،،،،،صلٰی اللہ علیہ و آلہ وسلم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔