MeraForum Community.No 1 Pakistani Forum Community - Nahi Tark-E-Mohabbat Par Woh Razi...

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - Nahi Tark-E-Mohabbat Par Woh Razi... (http://www.MeraForum.Com/showthread.php?t=33181)

Nahi Tark-E-Mohabbat Par Woh Razi...

Nahi Tark-E-Mohabbat Par Woh Razi
Qayamat Hai K Hum Samjha Rahe Hain

Yaqeen Ka Rasta Teh Karne Wale
Bahut Tezi Se Wapis Aa Rahe Hain

Yeh Mat Bhulo K Yeh Lamhat Humko
Bicharne Ke Liye Milwa Rahe Hain

Taajub Hai K Shauq -E- Ashqi Se
Abhi Kuch Log Dhoka Kha Rahe Hain

Tumhe Chahen Gay Jab Chhin Jao Gi Tum
Abhi Hum Tum Ko Arzaan Pa Rahe Hain

Kisi Sorat Unhe Nafrat Ho Hum Se
Hum Apne Aib Khud Ginwa Rahe Hain

Woh Pagal Mast Hai Apni Wafa Main
Meri Ankhon Main Anso Aa Rahe Hain

Dalilon Se Usay Qayal Kiya Tha
Dalilen Day K Ab Pachta Rahe Hain

Teri Banhon Se Hijrat Karne Wale
Naye Mahol Main Ghabra Rahe Hain

Yeh Jazba-E-Ishq Ya Jazba-E-Rehem
Tere Ansu Mujhe Rula Rahe Hain

Ajab Kuch Rabt Hai Tum Se K Tum Ko
Aapna Jaan Kar Thukra Rahe Hain

Wafa Ki Yadgaren Tak Na Hoon Gi
Meri Jan Bas yunhii Din, Ja Rahe Hain