MeraForum Community.No 1 Pakistani Forum Community

Mujhay Iss Zindgani Se Koi Shikwa Nahi Lekin,

Zara Si Be Sakooni Hay...

Na Janay Kiun Mery Dil Mein,
Ajab Ik Khauf Rehta Hay,
Mujhay Mehsoos Hota Hay,
K Mery Dil K Darwazey Pe,
Uske Yaad Ki Dastak Mein Vo Shiddat Nahi Baqi,
Bohat Si Khas Baatein Hain,
Jo Mujh Ko Aam Lagti Hain,
Mery Dil Mein Unhein Sun Kar Koi Toofan Nahi Uthta,
Uske Aankhein,Uske Chehra,
Uske Awaaz Ki Rimjhim,
Sabhi Kuch Khuwab Lagta Hay,
Mujhay Mehsoos Hota Hay,
Sunehrii Titliyoon Jaisy,
Vo Sab Khush Rung Se Sapney,
Mery Lafzoon K Pholoon Par,
Bohat Din Se Nahi Baithy,
Mujhay Mehsoos Hota Hay,
Samay Ki Tez Lehron Ne,
Hamary Rait K Kachay Gharonday Torr Dalay Hain,
Mujhay Un Tez Lehron Se,
sunehrii Titlion Jaisy,
Sabhi Khush Rung Sapnoon Se,
Koi Shikwa Nahi Lekin,

Zara Si Be Sakooni Hay,

Mujhay Mehsoos Hota Hay,
Uske Dil K Darwazey Pe Meri Yaad Ki Dastak,
Ab Nahi Hoti,
Ab Nahi Hota,
K Meri Yaad Aye To,
Uske Aankh Bhar Aaye,
Duaein Mangtey Lamhay,
Mujhay Wo Bhool Jaata Ho,
Magar Phir B Mujhay Us Se,
Koi Shikwa Nahi Lekin,

Ajab Si Be Sakooni Hay...

Ajab Ik Khauf Hay Dil Mein,
Main Us Ko Bhool Jaon Gi…!!!