MeraForum Community.No 1 Pakistani Forum Community - Zikr-e-Shab-e-Firaaq Se Vehshat Usay Bhi Thi

Zikr-e-Shab-e-Firaaq Se Vehshat Usay Bhi Thi
Meri Tarah Kisi Se Mohabbat Usay Bhi Thi

Mujh Ko Bhi Shaoq Tha Naye Chehron Ki Deed Ka
Rasta Badal Ke Chalne Ki Aadat Usay Bhi Thi

Uss Raat Dair Tak Wo Raha Mehv-e-Guftugu
Masroof Mein Bhi Kam Tha Faraaghat Usay Bhi Thi

Sunta Tha Wo Bhi sab Se Purani Kahaaniyan
Taaza Rafaaqaton Ki Zaroorat Usay Bhi Thi

Mujh Se Bicharr Ke Sheher Se Ghul Mil Gaya Wo Shakhs
Halaankeh Sheher Bhar Se Raqaabat Usay Bhi Thi

Wo Mujh Se Barrh Ke Zabt Ka Aadi Tha Jee Gaya
Warna Har Aik Saans Qayamat Usay Bhi Thi

Tanha Huwa Safar Mein Tho Mujh Par Khula Ye Bhaid
Saaye Se Pyaar Dhoop Se Nafrat Usay Bhi Thi

Mohsin Mein Yoon Bhi Keh Na Saka Haal-e-Dil Usay
Darpesh Aik Taaza Museebat Usay Bhi Thi
__________________