MeraForum Community.No 1 Pakistani Forum Community - Na Zikr Karo Unka Na Baat Kisi Ghair Ki Ho

Na Zikr Karo Unka Na Baat Kisi Ghair Ki Ho
Khamoshiyan Hi Rehne Do Is Baar Mera Dil Toota Hai

Hai Kise Chah Roshni Ki Ye Shama Kis Nay Jalaaye Hai
Taareekiyon Ko Chaane Do Is Baar Mera Dil Toota Hai

Ek Umeed Dil Mein Basayee Thi Ab Baki Nahin Hai Kuch Bhi
Tanha Zeest Guzarnay Do Is Baar Mera Dil Toota Hai

Bohat Uthaaye Naaz Unkay Aur Sahi Saari Ghutkiya Bhi
Humsay Na Ab Koi Aas Rakho Is Baar Mera Dil Toota Hai

Apnon Nay Hamein Thukraaya Hai Ghair Bhala Apnaaye Kyun
Mat Pooco Mujhsay Haal Mera Is Baar Mera Dil Toota Hai

Kyun Mangun Kisi Say Mein Pannah Kyun Jaon Kisi Ki Chokhat Pe
Aye Rab Tujhi Say Hai Gilla Kay Is Baar Mera Dil Toota Hai

Asaar Meray Samjhay Naa Meray Gham Ki Hadd Jani
Ab Nahin Talab Baki Koi Mehfil Ki Is Baar Mera Dil Toota Hai

Na Udao Yun Meri Hassi Na Dekho Aise Nazron Say
Main Sach Kehti Hon Tumsay Is Baar Mera Dil Toota Hai

Mat Poocho Mujh Say Aye Dosto Kaise Laggi Yeh Chot Mujhe
Bas Itna Jan Lo Tum Kay Is Baar Mera Dil Toota Hai

Na Mujh Say Koi Sawaal Karo Na Jawab Ki Koi Tamanna Rakho
Main Kuch Kehnay Kay Kabil Nahin Is Baar Mera Dil Toota Hai

Kyun Cheda Hai Inn Afsanon Ko Kiya Rakha Hai Inn Fasano Mein
Band Kardo Ab Ye Guftagu Is Baar Mera Dil Toota Hai

Piya Nahin Jaata Hai Mujhsay Ayyam Ki Iss Talkhi Ko
Lehad Mein Mujhe Ab Soo Jane Do Is Baar Mera Dil Toota Hai

Dil Kay Her Ek Tukde Say Yehi Ek Sadaa Bas Aati Hai
Rakh Do Kalaam Ko Aye Kamsin Is Baar Mera Dil Toota Hai.

..........................................