MeraForum Community.No 1 Pakistani Forum Community

mohabat aag ki soorat
bujhey seenon main jalti hai tou dil bedaar hotay hain
mohabat ki tapish main kuch ajab israr hotay hain
k jitna ye bharakti hai' uroos-e-jaan mehekti hai
dilon k sahilon pe jama hoti aur bikherti hai
mohabat' jhaag ki soorat
mohabat aag ki soorat

mohabat khawab ki soorat
nigahon main uterty hai kisi mehtab ki soorat
sitarey aarzoo k is terha se jagmagatey hain
k pehchani nahi jati, dil-e-betaab ki soorat
mohabat k shajar pe khawab k panchi utertey hain
tou shakhain jaag uthti hain
thakay haarey sitaray jab zameen se baat kerte hain
tou kab ki muntazir aankhon main
shammain jaab uthti hain
mohabat in main jalti hai chiragh-e-aab ki soorat
mohabat khawab ki soorat!

mohabbat dard ki soorat
guzishta mousamon ka istaara ban k rehti hai
shaan-e-hijr main' roshan sitara ban k rehti hai
mundairon pe chiraghon ki looen jab thartharati hain
nagar main na umeedi ki hawain sansanati hain
gali main jab koi ahat koi saya nahi rehta
dukhey dil k liye jab koi bhi dhoka nahi rehta
ghamon k bojh se tootney lagtey hain shanay tou ye in pe hath rakhti hai
kissi hamdard ki soorat!

guzar jaatey hain saare qafiley jab dil ki basti se
fizaa main tairti hai dair tak,
yeh gard ki soorat'
mohabbat dard ki soorat...

http://img237.imageshack.us/img237/1331/anime12.jpg