Mareez e Ishq Par Pall mieN Qiyamat Ka gUzar Jaana
"Sirhaaney Sey Kisi Ka Uth Keh wO Pichley Pehar Jaana"

Kisi kO hUm-Nafas Samjha Kisi kO Chaaragar Jaana
Magar dUniya kO hUm Ney nahieN Jaana Agar Jaana

mUqaam e Zeest kO hUm Ney Bhala Kab mOtabar Jaana ?
Mila jO Lamha e fUrsat Usey Bhi mUkhtasar Jaana

ILAAHII hUm GhareeboN Kii Hi kyoN Yeh Aazmaaiysh hAi ?
Dawa Ka Bey Asar Rehna dUa Ka Bey Asar Jaana

Tabassum Zair e Lab Tera Daleel e sUbh e Jaan O Dil
Tera NazrieN Churana Nabz e Hastii Ka Thehar Jaana

Haqeeqat hAi tO Bas Itni Sii hAi Hangaam e Hastii Kii
yahaN Par BeyKhabar Rehna yahaN Sey Bekhabar Jaana

Salaam Aisi mUhabbat kO Bhala Yeh Bhi mUhabbat hAi ?
Kisi Ki Yaad mieN Jeena Kissi Key Gham mieN Mar Jaana

Rah e Ulfat mieN hUm Sey Aur Kya Umeed Rakhtey hO ?
Yeh Kya Kam hAi Keh Apnii Zaat kO Gard e Safar Jaana ?

tOo Khud kO Laakh Samjhey Ba Kamaal o Ba hUnar Sarwar
tUjhey Lekin Zamaaney Ney Hamesha Bey hUnar Jaana