Chaand ki chahat karti ho



Tum pagal larki lagti ho



Wo dore falak pe rahta hai



Tum kahin zameen par basti ho



Sitaray us ka hum dum hain



Kyun baat nahin samjhti ho?



Wo pariyon kay dais ka basi hai



Tum aam si sorat lagti ho



Wo tark-e-taluq chahta hai



Tum uski refaqat chahti ho



Kyun raat bhar neend nahin aati



Kis sooch main dobi rehti ho



Jo tum pe beeti mohabat main



Us say kyun nahin kehti ho



Khawabon main khoi rehti ho

‘

Kyun mari mari phirti ho



Chand say baatain karti ho



Raat ki banhoon main soti ho



Youn aas lagai baithi ho



Kyun waqt barbad karti ho



Tum say kahna sab bekar hai



Kisi ki baat sunti ho?



Chaand ki chahat karti ho



Tum pagal larki lagti ho.