MeraForum Community.No 1 Pakistani Forum Community - na Gubaar mein na gulaab mein mujhe dekhana

KITAAB MAIN MUJHE DEKHNA

na Gubaar mein na gulaab mein mujhe dekhana
merey dard ki aab-o-tab mein mujhey dekhana

kisi waqt shaam-e-malaal mein mujhe sochanaa
kabhi apney dil ki kitaab mein mujhe dekhanaa

kisi dhun mein tum bhi jo bastiyoon ko tyaag do
isi rah-e-Khana- e-Kharaab mein mujhe dekhana

kisi raat maah-o-najuum se mujhe puchhana
kabhi apani chashm-e-pur- aab mein mujhe dekhana

isi dil se ho kar guzar gaye kai kaaravaan
ke hijratoon k azaab mein mujhe dekhana

main na mil sakoon bhi to kya hua k fasana hoon
nae daastaan main, naye baab mein mujhe dekhana

mere Khaar Khaar savaal mein mujhe Dhuundnaa
mere geet mein mere Khawaab mein mujhe dekhana

mere aansuon ne bhujai thi meri tashnagi
isi barg-zida sahaab mein mujhe dekhanaaa

vahii ik lamhaa-e-deed tha ke ruka raha
mere roz-o-shab k hisaab mein mujhe dekhana

jo tadap tujhe kisi aa-eine mein na mil sake
to phir aa-eine k jawaab mein mujhe dekhana