MeraForum Community.No 1 Pakistani Forum Community - Kisi Khush Nigha Si Aankh Nay ..MY FAV...

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - Kisi Khush Nigha Si Aankh Nay ..MY FAV... (http://www.MeraForum.Com/showthread.php?t=26355)

Kisi Khush Nigha Si Aankh Nay ..MY FAV...

Kisi Khush Nigha Si Aankh Nay
Yeh Kamal Mujh Pay Karam Kia...!
Meri Loh-E-Jaan Pay Raqam Kia
Woh Jo Ek Chaand Sa Harf Tha
Woh Jo Ek Shaam Sa Naam Tha...!
Woh Jo Aik Phool Si Baat Phirti Thi Dar Badar
Ussay Gulistaan Ka Pata Diya...!
Mera Dil K Shehar-E-Milaal Tha Ussay Roshni Main Bassa Diya
Meri Aankh Aur Khaab Ko Kisi Aik Pal Main Beham Kia
Merey Aainoon Pay Gard Thi Mah-O-Saal Ki
Woh Uttar Gaye.......!
Woh Jo Dhundh Thi Merey Chaar Soo Woh Bikhar Gaye
Sab Hi Roop Aaks-E-Jamaal K
Sab Hi Khaab Shaam-E-Wisaal K
Jo Ghubaar Waqt Main Sar Basar Thay Attay Howay
Woh Chammak Uthay......!
Woh Jo Phool Raah Ki Dhool Thay
Woh Mehak Uthay.....!
Lay Saath Rang Bahar K
Chala Main Jo Sang Bahar K
Tu Sajja Diye Sab Hi Raastay
Kisi Dast Sho'abda Saaz Nay
Merey Naam Par Merey Waastay
Meri Bay Ghar Ko Panah Di
Meri Justaju Ko Nishaan Diya
Jo Yaqeen Say Bhi Haseen Hai
Mujhay Aik Aisa Ghumaan Diya
Woh Jo Reza Reza Wajood Tha
Ussay Ek Nazar Main Baham Kia
Kisi Khush Nigha Si Aankh Nay
Yeh Kamal Mujh Pay Karam Kia...!

Re: Kisi Khush Nigha Si Aankh Nay ..MY FAV...