MeraForum Community.No 1 Pakistani Forum Community - kahan Aake Rukne The Raaste, Kahan Maur Tha Usey Bhool Ja

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - kahan Aake Rukne The Raaste, Kahan Maur Tha Usey Bhool Ja (http://www.MeraForum.Com/showthread.php?t=24992)

kahan Aake Rukne The Raaste, Kahan Maur Tha Usey Bhool Ja

kahan Aake Rukne The Raaste, Kahan Maur Tha Usey Bhool Ja
Jo Mil Gaya Isey Yaad Rakh Jo Nahi Mila Usey bhool Ja

Woh Tere Naseeb Ki BarisheN Kisi Aur Chhat Per Baras Gayeen
Dil-e-bekhabar meri baat Sun, Usey Bhool Ja, Usey bhool Ja

Mein to gum tha tere hi dhiyan men, teri Aas, tere gumaan mein
Hawa keh gayi mere kaan mein, mere saath aa, Usey bhool Ja...

Kisi aankh mein nahin ashk-e-gham, tere baad kuchh bhi nahin hai kam
Tujhe zindagi ne bhula diya tu bhi muskura Usey bhool Ja

KyuN ataa hua hai ghubar men, gham-e-zindigi ke fishar mein
Woh jo darj tha tere bakht men so woh ho gaya, Usey bhool Ja

Na woh aankh hi teri aankh thi na woh khwaab hi tera khwaab tha
Dil-e-muntazir to ye kis liye tera jaagna Usey bhool Ja

Tujhe chand banke mila tha jo tere sahiloN pe khila tha jo
Who tha ek dariya visaal ka so utar gaya use bhool Ja

Jo bisaat-e-jaan hi ulat gaya, woh jo raste hi palat gaya
Usey rokne se husool kiya usey mat bula Usey bhool Ja... !!

Re: kahan Aake Rukne The Raaste, Kahan Maur Tha Usey Bhool Ja