MeraForum Community.No 1 Pakistani Forum Community - chehre pe mere zulf ko phailao kisi din

MeraForum Community.No 1 Pakistani Forum Community (http://www.MeraForum.Com/index.php)

- Great Urdu Poets&Poetry (http://www.MeraForum.Com/forumdisplay.php?f=76)

- - chehre pe mere zulf ko phailao kisi din (http://www.MeraForum.Com/showthread.php?t=24892)

chehre pe mere zulf ko phailao kisi din

chehre pe mere zulf ko phailao kisi din
kya roz garajate ho baras jao kisi din

razon ki tarah utaro mere dil main kisi shab
dastak pe mere hath ki khul jao kisi din

peron ki tarah husn ki barish main naha lun
badal ki tarah jhum k ghir ao kisi din

Khushbu ki tarah guzro mere dil ki gali se
phulon ki tarah mujh pe bikhar jao kisi din

phir hath ko khairat mile band-e-qaba ki
phir lutf-e-shab-e-vasl ko dohrao kisi din

guzaren jo mere ghar se to ruk jayen sitare
is tarah meri rat ko chamkao kisi din

main apani har ik sans usi rat ko de dun
sar rakh k mere sine pe so jao kisi din

Amjad Islam Amjad

Re: chehre pe mere zulf ko phailao kisi din