MeraForum Community.No 1 Pakistani Forum Community - Ghalat samajhte haiN log ke shama jal rahii hai,

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - Ghalat samajhte haiN log ke shama jal rahii hai, (http://www.MeraForum.Com/showthread.php?t=24523)

Ghalat samajhte haiN log ke shama jal rahii hai,

Ghalat samajhte haiN log ke shama jal rahii hai,
Woh to parwaanoN ki shahaadat pe pal rahii hai.

AasmaN se jo tuut kar giraa woh taara nahii hai,
Wo falaq zamiiN ko chuune ko machal rahii hai.

Subah ki lali to dikhti hai magar ho kya raha hai?
Chaand ki chunri suuraj ki jaanib fisal rahii hai.

Khwabgaah meiN uske daakhila mana kyuN hai?
Use tanhaii chaahiye, abhi chehre badal rahii hai.

Hosh meiN laane ki jaldi khair khwahi nahii hai,
Madhoshi se dabe dardoN ki kami khal rahii hai.

Hawas paisoN ki, shohrat ki, taakat ki bhuuk ye,
Fakat neki aur badii ke bich tijarat chal rahii hai.

LaboN pe tabassum tere, par aaNsu hoN har suu,
maut ho gar aisi, to zindagii mukammal rahii hai.

Laash pe lipte kap.De ko kafan kehna ghalat hai,
Ye aakhiri musalla hai jis ki aas har pal rahii hai.
(Musalla=Prayer mat)

Milan ke shab ko dhalna nahii kehte
HasratoN ki tapish meiN raat gili pighal rahii hai.

Re: Ghalat samajhte haiN log ke shama jal rahii hai,

Buhat Buhat Khubsoorat

Re: Ghalat samajhte haiN log ke shama jal rahii hai,

thanks ADMIn

thanks ghuncha sis

thanks ching pong