MeraForum Community.No 1 Pakistani Forum Community - Hua hai haal yeh barish ki meherbaani se

http://img21.imageshack.us/img21/4439/12d989a0e55e.gif
*~*~*~*~*~*~*~*~*~*~*~*

Hua hai haal yeh barish ki meherbaani se
Zamee'n k zakham hare ho gaye hain paani se

Dhale hain ashak shab e ghum barhi rawani se
Abhi charagh jalaye hain humne paani se

Na kaam aayi meri jurrat e lab-e-izhaar
Woh badgumaa'n hi hua aur khushbayani se

Main chahta hu'n tumhara bharam rahe qayam
Nikaal do mere kirdaar ko kahani se

Mujhe bhi chehra shinasi ka agaya hai hunar
Mila kamaal ye dushman ki meherbani se

Kisi se kuch na kaha aur keh diya sab kuch
Zuba'n ka kaam liya maine be zubaani se

Abhi zamee'n se nahi rabta mera
Guzar raha hoo'n abhi daur-e-asmaani se

*~*~*~*~*~*~*~*~*~*~*~*