MeraForum Community.No 1 Pakistani Forum Community

Ay Allah!! ..

Baksh Day Un Ko, Maghfirat Farma Un Ki ..

Jinho Nay Tera Naam Bolna Sikhaya ..
Jinho Nay Tera Naam Likhna Sikhaya ..
Jinho Nay Achay Kamo'n Ki Talkeen Ki ..
Jinho Nay Buray Kamo'n Say Mana Farmaya ..

Ay Allah!! ..

Roz-e-Qayamat Naik Logo Main Rakhna Un Ko ..

Jinho Nay Mujhay Chalna Sikhaya, Aur Aaj Main Masjid Ki Taraf Chal Kar Aya ..
Jinho Nay Mujhay Rozay Ki Talkeen Ko, Aur Aaj Main Rozay Say Hoo'n ..
Jinho Nay Mujhay Quran Ki Taleem Dilwayi, Aur Aaj Main Tera Naam Lainay K Qabil Howa ..
Jinho Nay Mujhay Janwar Say Insan Banaya, Aur Aaj Main Achay Buray Ki Tameez Samjhta Hoo'n ..

Ay Allah!! ..

Mein Aik Kora Kaghaz Tha ..
Mujh Par Roshan Tehreer Likhnay Walo kO Jannat'UL'Firdos Main Alaa Muqaam Ata Farma ..

Wo Ba'Izzat Log Thay, Mere Liye Teri IK Anmol Ne'mat Thay ..

Wo Narm Dil Rakhtay Thay, Mujh Par Rahem Kartay Thay ..
Aaj Tu Un Par Rahem Farma, Un K Liye Narmi Rakhna ..

Wo Mujhay Pyaar Say Bulatay Thay, Main Un K Paas Khushi Mehsoos Karta Tha ..
Tu Baroz-e-Qayamat Un Ko Pyar Say Bulana, Aur Wo Teri Rehmat K Saye Main Rahain ..

Ay Allah!! ..

Rasool "SAAW" Kay Sadqay ..
Paighambaro'n Kay Sadqay ..
Anbiyaa Kay Sadqay ..
As'haab Kay Sadqay ..
Punj'Tun Pak Kay Sadqay ..
Taba'een Kay Sadqay ..
Taba Taba'een Kay Sadqay ..
Imaam, Oliya, Sufiya ..
Aur Jitnay Bhi Tere Naik Buzurg Log Hain ..
Un K Sadqay ..

Humaray Waldain K Haq Main Behtari Farmana ..