MeraForum Community.No 1 Pakistani Forum Community

http://img299.imageshack.us/img299/7074/23sitxf.gif
Ashk Ziyaada Seenay Main Kum Aankhoun Main
Dil Main Aik Samandar Shabnam Aankhoun Main

Taabeeroun Ki Rut Janay Kub Aayae Gi?
Muddat Say Hain Khawab Kay Mausum Aankhoun Main

Qatra Qatra Dhaltee Hain Par Jaltee Hain
Dard Ki Shammein Madhum Madhum Aankhoun Main

Rah Kahan Say Paataye Hain Kiyoun Aataye Hain
Hunstay Hunstay Aansoo Yaqdam Aankhoun Main

Mou Maangi Saari Hee Khushiyaan Chehray Par
Phir Bhi Anjaanay Say Khuch Gham Aankhoun Main

Sub Manzar Jaanay Pehchaanay Lagtay Hain
Jaisay Koi Khawab Ka Aalam Aankhoun Main