MeraForum Community.No 1 Pakistani Forum Community

Haqeeqat hai yaqeen kar lo mien uss ko bhool kar khush hoon
Muhabbat mar chuki ab to, mein us ko bhool kar khush hoon

Badalti rut ki waja se tabiyat kuch bojhal si hai
Youn mera haal mat poocho, mein uss ko bhool kar khush hoon

Mere lehjey par mat chonko, mere aankhon mein mat jhanko
Youn hairat se mat dekho mein ussko bhool kar khush hoon

Tumhein kia wehem hai kiyon raat bhar milney nahin aatein?
Aye meri neend ki paryon mein uss ko bhool kar khush hoon

Bhala kiyon roz banhein wa kiye mujh se milney aati hai
Tum uski yaad ko keh do mein ussko bhool kar khush hoon .....